Nyʋ ‑ʋʋ kpʋan Kea 'a ‑tɩ' "jrii 'a 'mʋa‑ ‑tɩ
128
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' muɛ.
Nyɔ ‑ɔɔ pleea Tʋ "bo,
‑wɛe ‑ɔɔ naa ɛɛ' ‑jei" ɛ, ɔ nʋ 'mʋa‑.
2 ‑Ma muɛ ‑ma nʋʋdbo 'a crɔn' dia',
‑ɩn ‑je 'mʋa‑ nʋ, ‑ɩn ‑je dɛ 'ʋn 'wlʋ.
3 ‑Ma 'nynɔ ɔɔ muɛ ‑gbɛan' a,
'de ‑ma ‑gbu" ‑sɔn,
ka finyɛ‑ tu nɩa.
‑Ma "nynuu‑ a muɛ ‑ʋn diiɛ 'dewei 'tɛan',
ʋʋ 'je jrɛjrɛ nʋ,
ka dootu a croa "nynuu‑ wɛi ɛ.
4 'Kamɔ "diwan‑ a kpʋn nyɔ ‑ɔɔ pleea Tʋ "bo ɛ.
5 Kɩɩn, Tʋ "bo ‑sa "diwan‑ 'de ɛɛ' ‑gbu" 'di,
'de Selisalɛmʋ ɛ 'je ‑ʋn po,
'de ‑ɩn ‑je Selisalɛmʋ 'jraa,
'de ‑ma 'kmʋ nɩa' ‑wee'‑ 'ʋn,
6 ‑ma muɛ ‑ma "nynuu 'a "nynuu "jriɛ 'jeea'.
Israɛ, ‑ɩn ‑je pɛe 'a blua'.